51±¾É«

Osradharc

Dearadh an modúl micri-dhintiúr seo chun tacú le cruthú ról an Chóitseálaithe Teanga, cleachtóir nua, in Éirinn. Beidh baint ag an duine proifisiúnta seo i soláthar na tacaíochta teanga foirmeálta don Ghaeilge, don Bhéarla (mar Dhara nó mar Theanga Eile) nó do sprioctheanga roghnach eile ar an láthair oibre.  

Má sholáthraítear deiseanna do bhaill foirne chun leas  a bhaint as scéimeanna cóitseála teanga, cuirfear le praiticiúlacht agus le hinmharthanacht an phróisis fhoghlama teanga agus neartófar an fheasacht teanga i gcultúr na heagraíochta dá réir.

Cé a roghnódh dul leis an modúl seo?

Bheadh an modúl seo oiriúnach do dhaoine a bhfuil spéis acu tabhairt faoin bhforbairt ghairmiúil ar mhaithe le ceannaireacht a dhéanamh ar dhearadh thograí tacaíochta teanga sa chomhthéacs proifisiúnta. I gcás na Gaeilge, táthar ag súil leis go mbeidh spéis ag iarrthóirí tacú leis an nGaeilge mar theanga oifigiúil agus mar theanga bheo sa láthair oibre. 

Cén fáth?

Nuair a bheidh an modúl seo críochnaithe go rathúil, beidh an rannpháirtí inniúil chun dul i gcomhairle le foghlaimeoir teanga, nó le grúpa d’fhoghlaimeoirí, maidir le plean forbartha gairmiúla agus feabhsaithe teanga don ionad oibre a dhréachtadh agus a mheas.

Cén t-ábhar?

I measc na dtéamaí a chlúdófar, tá: An Chomhairleoireacht i bhFoghlaim Teanga; scileanna an Chóitseálaithe Teanga, an cleachtas machnamhach, timpeallachtaí foghlama dearfacha, agus an cheannaireacht agus an abhcóideacht teanga. Is féidir le rannpháirtithe an cinneadh a dhéanamh chun dul leis an gcóitseáil teanga sa Ghaeilge nó sa Bhéarla (ESL/ESOL) nó i sprioctheanga roghnach eile an mhic léinn.

Cathain?

Cuirfear tús leis an gcúrsa 12 seachtaine seo ar líne Dé Céadaoin 29 Eanáir 2025. Tionólfar seisiún eolais agus oiliúna do rannpháirtithe ar an gcampas Dé Sathairn 25 Eanáir, le rogha a bheith istigh air sin ar líne.  

Spriocdháta d'iarratais: 13 January 2025.

Tá gach eolas maidir le hábhar an chúrsa, réamhriachtanais iontrála agus táillí ar fáil ar ghréasán na hOllscoile:

 An Chóitseáil Teanga san Ionad Oibre – Language Coaching in the Workplace - GA6172 | 51±¾É« (ul.ie)

°Õ±ð²¹²µ³¾³óá±ô²¹³¦³ó²¹
An Dr. Deirdre Ní Loingsigh (Comhordaitheoir) Stiúrthóir na Gaeilge, Aonad na Gaeilge,Scoil na Gaeilge, an Bhéarla, agus na Cumarsáide
deirdre.niloingsigh@ul.ie

An Dr. Catherine Martin, Scoil na Nua-Theangacha & na Teangeolaíochta Feidhmí
catherine.martin@ul.ie